Usa ka hamtong ang nasikop ug walo ka menor de edad naluwas human nanulis sa usa ka lodging house sa Sitio Bulubogan, Brgy. Tajao, lungsod sa Pinamungajan, alas 3:23 sa kaadlawon, Dominggo, Disyembre 10, 2023.
Si Rosalyn Tabañag, tag-iya sa Paraiso Lodging House, nangayo og pakitabang sa kapulisan human gitulis sa mga bata-on nga nanagsakay og motorsiklo ang ilang lodging house.
Gitionan og armas ang cashier nga si Marijo Jertaño, 28, ug nideklarar og tulis ang usa sa mga suspek ug nakuha ang P3,000.
Si Police Staff Sgt. Absalon Cerrna II sa Pinamungajan Police Station nga nahinabi sa Superbalita Cebu, nagkanayon nga sa follow-up operation, unang nadakpan ang tulo ka menor de edad, alas 7:00 sa buntag sa Brgy. Poblacion, dakbayan sa Toledo. Kini nagedad og 16, 17, ug 15 anyos.
Matod ni Absalon, alas 3:00 sa hapon, laing unom ka tulisan nadakpan sa Toledo, diin ang mga suspek nag-edad og 15, 16, 16, 17, 17, ug 19 anyos.
Narekuber ang uapt ka motorsiklo sa mga suspek.
Gibutyag ni Absolon, ang usa ka motorsiklo maoy gigamit sa pagpanulis ug ang ulo ka motorsiklo pulos mga karnap.
Ang mga tulisan nga menor ning-angkon usab nga sila maoy nanulis sa usa ka bakeshop niadtong milabayng bulan sa Brgy. Mangoto, Pinamungahan.
Nagpadayon karon ang kapulisan sa pagpalawom sa imbestigasyon pagsubay sa posibling grupo niini. (GPL)