Milampos ang Mandaue City Police Office ug Philippine Drug Enforcement Agency (PDEA-7) sa ilang operasyon sa dihang high value individual (HVI) nasikop ug nakuhaan og usa ka kilong shabu.
Ang buy-bust gipahigayon sa Lunes, Abril 22, 2024 sa dan Realty, Brgy. Subangdaku, Mandaue City.
Ang suspek giila nga si Paolo Luigi Basalo Papas, 35, ulitawo, taga-Purok Tugas, Brgy. San Isidro, San Fernando, Cebu.
Nasuta sa Mandaue City Intelligence Unit Police nga dinagko ang transaksiyon ni Papas.
Ang polis nga nagpakaaron ingnon nga buyer nipalit kang Papas og balor P50,000 nga shabu gamit ang bogus money.
Ang suspek nakuhaan og 13 ka mga dagkong pakete nga adunay sud nga gituohang shabu nga motimbang og usa ka kilo nga gibanabana nga mokantidad og P6.8 milyunes. / DVG