1 patay, 1 angol panagbangga

AKSIDENTE: Kini ang babaye’ng senior citizen nga gitabang sa mga rescuer human nabanggaan sa usa ka multicab nga public utility vehicle sa N. Bacalso Ave., Barangay Bulacao, dakbayan sa Sugbo, alas 6:06 sa buntag, Miyer­kules, Mayo 8, 2024. Ang biktima nakabsan sa kinabuhi. /
AKSIDENTE: Kini ang babaye’ng senior citizen nga gitabang sa mga rescuer human nabanggaan sa usa ka multicab nga public utility vehicle sa N. Bacalso Ave., Barangay Bulacao, dakbayan sa Sugbo, alas 6:06 sa buntag, Miyer­kules, Mayo 8, 2024. Ang biktima nakabsan sa kinabuhi. / ARNOLD Y. BUSTAMANTE

Patay na nga nidangat sa Cebu City Medical Center (CCMC) ang usa ka senior citizen human mabangga-i sa usa ka multicab nga public utility vehicle sa Natalio Bacalso Ave., Barangay Bulacao, dakbayan sa Sugbo, alas 6:06 sa buntag sa Miyerkules, Mayo 8, 2024.

Ang biktima giila nga si Feliciana Cabusas, 70, biyuda, lumolupyo ra usab sa Barangay Bulacao.

Sa imbestigasyon sa Traffic Enforcement Unit (TEU) sa Cebu City Police Office (CCPO) nga nilabang ang biktima sa karsada apan kalit nga nabanggaan sa usa ka PUJ nga multicab (GXL 575) nga gimaneho ni Bernabe Teofilo, 73, biyudo, taga Barangay Kinasang-an, Pardo, dakbayan sa Sugbo.

Sigon sa mga saksi nga atol sa pagbangga, nalagpot ang biktima ug napantok ang ulo sa karsada.

Apan sa pamahayag sa drayber nga nakabantay na siya sa babaye nga milabang sa pedestrian lane ug nipahinay sa pagpadagan apan ang nagsunod niya nga usa usab ka PUJ nga dunay rota nga 44D nga multicab (GXP485) nga gimaneho ni Rogelio Candiso Racaza, 63, taga Barangay Lagtang, dakbayan sa Talisay, nidumbol sa iyang luyo hinungdan nga nalahos ang iyang sakyanan ug naigo ang biktima.

Dali nga gitabang sa medical team sa City Disaster Risk Reduction and Management Office ug gidala sa CCMC.

Matod ni Racaza nga kalit nga nihunong ang nag-una niya nga PUJ nga maoy nakaingon nga iya ning nabanggaan.

“Ni kalit ra siyag brake, mao to nga na dumbol nako,” matod ni Racaza.

Gawas sa ginang nga naka­las, laing naangol giila nga si Monina Medalle Pasidas, 39, taga Barangay Linao, lungsod sa Minglanilla.

Si Police Major Jonathan Dela Cerna, hepe sa TEU sa CCPO, nagkanayon nga gikus­todiya nila karon ang duha ka mga driver ug mag- atubang og kasong reckless imprudence resulting in homicide. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph