1 patay, 1 angol sa dinasmagay

Balamban, Cebu.
Balamban, Cebu. Google Maps

Usa ka drayber sa motorsiklo ang patay ug angol ang iyang angkas sa dinasmagay tali sa usa ka multicab sa Brgy. Abucayan, lungsod sa Balamban sa Sabado, Disyembre 2, 2023.

Ang namatay mao si Joerge Siaboc Arellano, 20, ulitawo ug taga Brgy. Buanoy, Balamban, samtang ang angkas niini nga naangol mao si Ghen Vincent Buscado Suquib, 16.

Samtang ang nagmaneho sa multicab mao si Brendan Milgar Jubay, 46, minyo ug taga Brgy. Pondol, Balamban.

Sumala sa kapulisan sa ubos sa kamandoan sa ilang hepe nga si Police Lt. Col. Joey Bico, ang motorsiklo ni Arellano gii­ngong kusog nga nagdagan sa national highway apan nikawat sa pikas lane hinungdan nga nakabangga ang multicab ni Jubay.

Sila si Arellano ug Suquib gitabang sa Emergency Rescue Team sa Balamban ug gidala sa Balamban Provincial Hospital apan nakabsan sa kinabuhi si Arellano.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph