1 patay, 3 angol sa aksidente

MOTORSIKLO: Usa kini sa duha ka mga motorsiklo nga nalambigit sa aksidente sa national highway sa Barangay Tuyan, dakbayan sa Naga, Sugbo, alas 11 sa gabii, Sabado, Disyembre 16, 2023.
MOTORSIKLO: Usa kini sa duha ka mga motorsiklo nga nalambigit sa aksidente sa national highway sa Barangay Tuyan, dakbayan sa Naga, Sugbo, alas 11 sa gabii, Sabado, Disyembre 16, 2023. Gikan sa Naga Police Station

Usa ang patay ug tulo ang angol sa aksidente nga nag­lambigit sa duha ka mga motorsiklo sa national highway sa Barangay Tu­yan, dakbayan sa Naga, Sugbo, alas 11:00 sa gabii, Sabado, Disyembre 16, 2023.

Sumala sa kasaligang tinubdan sa Superbalita Cebu, ang namatay giila nga si JR Barona Cabaluna, 33, taga Lower Lipata, lungsod sa Minglanilla, kinsa nagmaneho sa usa ka motorsiklo.

Ang mga angol mao sila si Christian Taberos, 27, taga dalan Salvador, Barangay Laba­ngon, siyudad sa Sugbo, kinsa drayber sa laing motorsiklo.

Samtang angol ang mga ang­kas ni Taberos nga sila si Ria Magdadaro, ug Roberto Soon, pulos hamtong ang panuigon.

Base sa imbetigasyon sa kapulisan sa Naga ubos sa kamandoan sa ilang hepe nga si Police Lt. Col. William Humoc, nasuta nga ang duha ka mga motorsiklo pareho nga nagdagan sa usa ka direk­siyon padulong sa dakbayan sa Sugbo.

Dugang sa kapulisan, si Cabaluna nagsunod sa motorsiklo nga gimaneho ni Taberos ug giingong kalit lang ang motorsiklo sa namatay nibangga sa nag-unang motorsiklo hinungdan sa ilang pagkaaksidente.

Ang mga naangol gidala sa tambalanan sa mga sakop sa Naga City Disaster Risk Reduction and Management Office (CDRRMO) sa South Ge­neral Hospital sa Naga.

Sila si Taberos ug Cabaluna paherong nakaangkon og grabing samad apan nakabsan sa kinabuhi ang naulahi sa pagka alas 4:00 sa kaadlawon, Disyembre 17, 2023.

Ang kapulisan sa Naga nagpadayon sa ilang imbestigasyon sa maong aksidente human ang mga biktima pulos nalandig sa ospital.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph