Usa ang patay samtang lima ang samdan sa pagpamusil nga naglambigit sa mga supporter sa duha ka mayoral aspirants sa Shariff Aguak sa Maguindanao del Sur niadtong Martes, Oktubre 8, 2024.
Ang pagpamusil nahitabo pipila ka oras sa wala pa ang pagsira sa filing sa certificate of candidacy (COC) alang sa 2025 midterm elections.
Sa interbyu sa radyo, ang tigpamaba sa Philippine National Police (PNP) nga si Brigadier General Jean Fajardo niingon nga ang insidente nahitabo alas 12:00 sa udto, 200 ngadto sa 300 metros ang gilay-on gikan sa municipal compound sa lungsod diin nahimutang ang buhatan sa Commission on Elections .
“Yung tatlo dito sa biktima ay supporters ng incumbent mayor samantalang ‘yung tatlo naman ay supporters nung tumatakbo na mayor na lalabanan itong incumbent mayor,” matod ni Fajardo.
Bisan sa hitabo, si Comelec Chairman George Garcia niingon nga ang pag-file sa COC sa Shariff Aguak nagpadayon pinaagi sa satellite venue.
Gipasalig ni Fajardo, bisan pa, nga adunay mga protocol sa seguridad aron masiguro ang kalinaw ug kahusay sa wala pa ang 2025 midterm polls sa Mayo.
Ang bag-ong niasumir nga Interior and Local Government Secretary Jonvic Remulla niingon nga si Pres. Ferdinand Marcos Jr., nimando sa zero-casualty 2025 midterm polls./ TPM / SunStar Philippines