Dul-an 1,000 ka mga kaso sa tipdas ang natala lukop nasod sukad nagsugod ang tuig 2025, kini matod sa Department of Health.
Sa pamahayag, ang DOH mitaho nga sumatotal 922 ka mga kaso sa tipdas ang natala gikan Enero 1 hangtod Marso 1.
“This is 35 percent higher compared to the 683 cases during the same period in 2024,” matod sa DOH.
Namatikdan sa ahensiya nga pito sa 10 ka kaso sa mga nataptan nakita nga kadtong mga indibidwal nga wala mabakunahi batok tipdas.
“There are 625 cases or 68 percent of the reported cases that were unvaccinated or have incomplete doses against measles,” dugang sa DOH.
Ang tipdas usa ka makatakod nga sakit nga gikan sa usa ka virus, nga daling mokaylap pinaagi sa pagginhawa, pag-ubo, o paghatsing.
Ang maong sakit mahimong hinungdan sa grabe nga sakit, komplikasyon, ug bisan kamatayon, ug kasagaran sa mataptan niini mga bata.
Matod ni Health Secretary Teodoro Herbosa nga ang maong gidaghanon sa kaso dili maayo hilabi na nga aduna’y bakuna pangpugong niini.
Dugang niini nga ang mga bakuna batok measles, mumps, rubella (MMR) dali ra nga ma-avail sa tanang health centers sa nasod.
“This disease can easily be prevented by getting vaccinated. We should all get vaccinated in the nearest health center,” matod Herbosa.
Matod sa DOH nga aduna usab nga catch-up measles immunization drive alang sa mga bata nga nagpangedaron og 13 ngadto sa 59 ka mga buwan karong Marso sa Central Luzon, Calabarzon, Soccsksargen, ug Bangsamoro Autonomous Region in Muslim Mindanao.
“In the catch up immunization, we aim to vaccinate children that have zero or incomplete MMR vaccines,” matod Herbosa. / Anton Banal/SunStar Philippines