10K nga trabaho nahatag sa DMDP Cebu City

Nag-una ang Cebu City sa listahan sa mga Public Employment Service Office (Peso) nga labing epektibo sulod sa tuig 2024–2025 human nilabaw sa job placement target nga gitakda sa Department of Labor and Employment (Dole).

Matod pa ni Mayor Raymond Alvin Garcia, ang maong pasidungog nga nadawat sa siyudad pinaagi sa Department of Manpower Development and Placement (DMDP) nagpamatuod sa paningkamot sa dakbayan nga mouswag ang kinabuhi sa mga Sugbuanon pinaagi sa accessible nga serbisyo sa pagpangita og trabaho, kalihukan alang sa kabatan-onan, ug holistic career development.

Kapin sa 10,668 ka indibiduwal ang naempleyo pinaagi sa nagkalainlaing programa sa DMDP.

“My assurance is that you have to send job opportunity programs here in the city of Cebu so that we can provide more jobs for our people,” sumala pa ni Garcia.

Gidugang sa mayor nga usa sa iyang prayoridad mao nga mokunhod ang unemployment sa siyudad.

Samtang si DMDP Head Anthony Aguhar nipahibalo nga ilang nakab-ot ang 98 porsiyento nga kalampusan nga makatrabaho ang job seekers nga ilang gi-refer.

Gisaysay ni Aguhar nga sa 10,888 nga gi-refer, 10,668 ang nakatrabaho.

Gisultihan sab sa Dole ang target nga 10,000 ka trabaho alang sa maong co­vered period.

“We’re targeting that we can refer and place 100 percent,” sigon pa ni Aguhar said.

Gidugang niya nga padayon ang ilang paningkamot aron mulabaw gihapon sa target nga ipahamtang sa Dole alang sa tuig 2025-2026.

Plano sab sa DMDP nga mo-aplay pag-usab sa Top-Performing Peso award sa Dole karong Hunyo ug ang mananaog ipahibalo sa 2026. / JPS