Gironda sa mga sakop sa Mabolo Police Station ang usa ka tigbakayan sa Sitio Upper Carreta, Barangay Carreta sa dakbayan sa Sugbo alas 4:30 sa Dominggo sa hapon, Agusto 11, 2014 nga miresulta sa pagkasikop sa 11 ka mga tawo.
Ang mga nadakpan giila nga silang: alyas Dante, 54, taga dalan Gil Tudtud, Barangay Mabolo; Marlon, 22, taga Sitio Rail Site, Barangay Hipodromo; Alan, 52, taga Brgy. Carreta; John, 20, taga Sitio Riverside, Brgy. Hipodromo; Jerson, 38, taga Sitio Sta. Cruz, Brgy. Guizo, Mandaue City; Jungie, 41, taga Brgy. Hipodromo; Lolito, 47, Carreta; Alfie, 32, Hipodromo; Erwin, 28, taga Sitio Lahing-lahing, Brgy. Mabolo; Victoriano, 45, taga Brgy. Carreta ug Abraham, 28, taga Sitio Estasyonan, Mabolo.
Matod ni Police Major Romeo Caacoy ang hepe sa Mabolo police station nga milusad og roving ang iyang mga personnel sa Carreta ilang naabtan ang mga nagtigbakay nga gibanabana nga moabot sa usa ka gatus ka tawo.
Naalibwag ang mga sugarol sa dihang mirumbo ang mga pulis apan ang 11 lang ka tawo ang nadakpan.
Nakuha ang usa ka patay na nga manok igtatari ug mga buwang nga nabilin atol sa pagdinaganay ug giandam na ang tukmang kaso batok sa mga dinakpan.
Samtang, walay pu-as ang kampanya sa kapulisan batok sa illegal swertres number game. Diin sud ning semanaha giharos sa pagsikop ang 17 ka mga nalambigit niini sa nagkadaiyang lugar sa Probinsya sa Sugbo.
Wala makaipsot sa kapulisan ang lima nga nalambigit illegal number game atol sa operasyon didto sa lungsod sa Tabuelan.
Ang mga napusasan usa ka Flordeluna, Crisologo, Raymund, Rosemarie ingon man usa ka Lioniel sa Barangay Mahsico, San Fernando, nadakpan sa kapulisan sa Oplan Boliyo ang usa ka Ginang Marife, 45.
Kini human usa ka pulis nagpaka aron ingnon mipalit og ticket kang Marife.
Samtàng, usa ka Niña, napusasan sa Brgy. Poblacion, Liloan, laing 63 anyos senior citizen taga-Sitio Looc, Poblacion, lungsod sa Liloan.
Nadakpan sab sa Oplan Bolikyo kining usa ka Evelyn, taga Brgy. Tabla, Liloan, kinsa nang-issue og ticket sa illegal swertres number game.
Lakip sa nadakpan kining usa ka 63, anyos nga si Lola Celsa, sa Purok Salwag, Brgy. Yati, Liloan. Sa Barangay Población, lungsod sa Argao ug napusasan ang usa ka Angelie.
Laing ginang nga si Pablita, napusasan sab sa Brgy. Mohon, dakbayan sa Talisay, sa Brgy. Cansojong, Talisay, ug nadakpan sab sila si Ricky, Joe ug Danirio, mga usher sa illegal swertres.
Naaktuhan sila sa kapulisan nga nagpahigayon og hugot nga operasyon batok sa illegal swertres game.
Ubay-ubay sa mga illegal gambling paraphernalia ug cash ang nasakmit sa kapulisan sa possession sa mga dinakpan.
Kasong kalapasan sa RA 9287 kun illegal numbers game ang atubangon sa mga dinakpan. / AYB, GPL