Kay pirmeng mangatarungan nga gidugo ang kapu-yo, construction worker gipa-sanginlang nilugos sa iyang stepdaughter alas 7:00 sa gabii Miyerkules, Mayo 7, 2025, sa Sitio Lour-des, Inayawan, Dakbayan sa Sugbo.
Si Essa, 12, grade 6 student giubanan sa iyang inahan nga si Lorna ngadto sa Gender and Development (GAD) office sa Inayawan aron isumbong ang pagpanglugos ug ang mga barangay tanod maoy nidakop sa suspek og gi-turnover sa kapulisan.
Si alyas Dario, 40, lumad nga taga Lungsod sa Pitogo, Bohol, maoy gitudlo sa iyang stepdaughter nga maoy nilugos kaniya.
Ang biktima nipasangil nga ikaduha nang higayon siyang gihilabtan sa iyang ama-ama.
Sa unang paghilabot sa suspek kaniya, gibuhatan pa siya og tsikinini apan wala siya mosumbong tungod sa kahadlok sa suspek.
Nausban kini niadtong Ma-yo 7, dihang ang iyang inahan nilakaw kay dunay suki nga nagpahilot.
Matod sa biktima nga gihuboan siya sa suspek ug nagduwa kini sa iyang kinatawo ug giub-an siya.
Ang suspek nga nahinabi sa Sunstar Superbalita Cebu nanghimakak nga iyang gilugos ang biktima apan niangkon nga nagduwa siya sa iyang kinatawo ug gibag-id ngadto sa bata.
Nabuking ang gihimo sa suspek dihang dihay laing bata nga nakalili sa balay ug maoy nakakita sa hitabo ug nisumbong sa mga paryente sa biktima.
Nangatarungan ang suspek nga gihidlaw na gyud siya og lawasnong kalipay tungod kay duha ka semana na nga pir-meng balibaran sa iyang kapuyo kay gidugo. / GPL, JDG