Atol sa pagbunok sa uwan niadtong gabii sa Biyernes, Agusto 15, 2025 mga pamilya nga apektado sa grabeng baha sa Mandaue City ang nipasilong sa mga tunghaan nga gihimong evacuation centers.
Base sa talaan pinetsahan niadtong Sabado, Agusto 16, 2025, moabot ngadto sa 317 ka pamilya o 1,246 ka tawo ang namakwit.
Sa Maguikay National High School dunay 55 ka pamilya, 179 individuals; Tabok National High School dunay 74 families, 322 individuals; ug Umapad Elementary School -188 families, 745 individuals.
Ang buhatan sa City Health ang nipakatap na og medical teams sa maong mga evacuation site, samtang ang City Social Welfare Services (CSWS) staff ang nihimo og profiling ingon man ang pagpang apod-apod og suporta sa mga evacuees.
Daghan sa mga evacuees ang nagpaabot nga mahatagan sila og ayuda nga pagkaon sa siyudad. / CAV