Posible nga makasinati ang Pilipinas og 13 ngadto sa 18 ka tropical cyclones o bagyo hangtod sa katapusan sa 2024.
Subay kini sa bana-bana sa Philippine Atmospheric, Geophysical and Astronomical Services Administration (Pagasa) sa Huwebes, Mayo 30, 2024.
Sa public briefing, si Pagasa Deputy Administrator for Research and Development Marcelino Villafuerte II niingon nga ang gipaabot nga ihap sa tropical cyclones sulod sa tuig mas ubos sa naandan nga average nga 19 ngadto sa 20 ka weather systems.
Nunot niini, ang Philippine National Police (PNP) nangandam sa ilang assets sa pagtubag og emerhensiya tungod sa pagsugod na sa ting-uwan.
Niadtong 2023, tungod sa El Niño phenomenon, 11 lang ka tropical cyclones ang nisulod sa nasod. Niadtong Miyerkules, Mayo 29, 2024, gideklarar sa weather bureau ang pagsugod sa ting-ulan.
Ang El Niño phenomenon gilauman nga mahuman sa Hunyo, samtang ang La Niña phenomenon, nga labaw sa normal nga mga kondisyon sa ulan, mahimong motungha na sugod sa Hunyo ug Agusto.
Ang unang tropical cyclone nga miigo sa Pilipinas sa 2024 mao ang ‘Aghon’, diin base sa talaan sa National Disaster Risk Reduction and Management Council (NDRRMC), unom ka tawo ang nangamatay ug nakadaot sa kapin sa P21.6 milyunes nga balor sa mga produkto sa agrikultura ug P365 milyunes nga bili sa imprastraktura.
Apektado usab ni Aghon ang 51,858 ka mga tawo o 16,404 ka mga pamilya, nga nag-displace sa 21,225 ka mga indibidwal, sa 20 ka mga probinsya.
Una nang gimando ni Presidente Ferdinand Marcos Jr. ang pagmugna og task force aron makahimo og komprehensibo nga disaster preparedness ug rehabilitation plan alang sa El Niño ug La Niña.
Dason sa Presidente mao ang paghatag og “systematic, holistic, and results-driven interventions” aron matabangan ang publiko nga makasagubang ug maminusan ang makadaut nga epekto sa panghitabo sa panahon.
Sa usa ka interbyo sa telebisyon, ang tigpamaba sa Task Force El Niño nga si Assistant secretary Joey Villarama niingon nga ang mga paningkamot aron makunhuran ang epekto sa ting-ulan nagpadayon ilabina ang paghawan sa mga drainage, agianan sa tubig ug mga ganghaan sa baha aron maminusan ang pagbaha sa mga komunidad ilabina sa ubos nga mga dapit.
Siya niingon nga kapin sa 4,000 ka mga flood control projects ang nahuman isip pagpangandam sa ting-ulan, samtang 4,100 ka mga proyekto ang padayon pa nga nahuman.
Si Villarama nagkanayon nga ang mga hingtungdan nga ahensya sa gobyerno, lakip ang mga local government unit, nangandam usab ilabina sa mga lakang aron matabangan ang mga pamilya nga maapektuhan sa umaabot nga mga kalamidad.
Ang Department of Social Welfare and Development una (DSWD) nang nipasalig nga adunay igong suplay sa pagkaon ug dili pagkaon nga gikinahanglan panahon sa bagyo.
Sa bahin niini, ang Philippine National Police (PNP) sayo ning semanaha nipahigayon og dungan nga showdown inspection sa ilang mga kahimanan ug kapabilidad sa pagtubag sa kalamidad.
Sa 17 ka Police Regional Offices (PRO), ang PNP nigahin ug 6,928 ka personnel; 40,613 search, rescue, and retrieval (SRR) equipment; 5,462 ka sakyanan; ug 43,519 ka mga suplay, nga adunay kinatibuk-ang budget nga P203,729.34. / TPM / SunStar Philippines