Ang Professional Regulation Commission (PRC) nagpagawas niadtong Sabado, Disyembre 2, 2023, sa resulta sa Nobiyembre 2023 Philippine Nurse Licensure Exam (PNLE), diin 25,761 sa 32,203 ka examinees, ang nakapasar.
Nag-una sa resulta sa PNLE mao sila si Aristotle Calayan Castronuevo gikan sa Pamantasang Lungsod ng Maynila (PLM) ug Cris Vinz Corpus Tomboc gikan sa West Visayas State University- La Paz, kinsa parehong nakakuha og score nga 91 porsyento.
Apil usab niini ang 13 ka examinees gikan sa upat ka tunghaan sa Sugbo.
Ania ang mga nikuha gikan sa Cebu-based schools nga nakasulod sa top 10:
* Ika-upat: Arnold Joshua Floresta Tacuyan- Velez College (90.40 porsyento)
*Ika-6: Christel Jirah Dajao Codilla- Cebu Normal University (90 porsyento)
*Ika-8: Katrina Marie Sumicad Arbon- Cebu Normal University (89.60 porsyento)
*Ika-8: Crystal Jen Avila Dival- Southwestern University (89.60 porsyento)
*Ika-8: Danielle Rose Consuegra Donaldo- Southwestern University (89.60 porsyento)
*Ika-8: Rhainne Baring Pejante- Cebu Normal University (89.60 porsyento)
*Ika-8: Therese Mae Geromo Ursal- Velez College (89.60 porsyento)
*Ika-9: Alyssa Nicole Buhay- Velez College (89.40 porsyento)
*Ika-9: Patrice Danielle Lee Lim- Cebu Normal University (89.40 porsyento)
*Ika-9: Alyssa Joyce Pelotenia Sandueta- Cebu Normal University (89.40 porsyento)
*Ika-9: Jaslyn Claire Prado Suarez- Vellez College (89.40 porsyento)
*Ika-10: Julia Elloise Cassandra Cabonada Borbajo- Cebu Normal University (89.20 porsyento)
*Ika-10: Jade Catherine Napoles Matuguinas- University of Southern Philippines (89.20 porsyento)
Ang Nobiyembre 2023 PNLE gipahigayon sa 19 ka testing centers sa tibuok nasud.
Sa interbyu sa SunStar Cebu, si Alyssa Nicole Buhay, gradwado sa Velez College nga nahimutang sa ika-9 nga puwesto sa PNLE nga adunay average rating nga 89.40 porsyento, miingon nga nagplano siya nga magsugod sa pagpangandam alang sa National Council Licensure Examinations ug nagtinguha nga magtrabaho isip usa ka lecturer sa ospital.
Sa laing bahin, si Katrina Marie Sumicad, gradwado sa CNU nga nasulod sa ika-8 nga puwesto sa licensure exam, miingon nga ang pag-top sa eksaminasyon usa ka “big bonus.”
Siya miingon nga wala niya ipadayon ang nursing isip usa ka damgo apan usa ka sayon nga dalan sa pagpadayon sa medisina, bisan unsa pa ang premed nga kurso nga kuhaon. (uban sa CAV, CDF)