Gihingusgan sa kapulisan sa lungsod sa Dalaguete ang pagpatuman sa balaod sa trapiko hinungdan nga dili mominos 13 ang mga nadakpan ug giisyuhan og citation tickets nga ang mga nagmaneho niini pamultahon og P3,800 matag usa.
Nasikop kini sa ilang operasyon sa Biyernes, Nobiyembre 17, alas 4:30 sa hapon hangtod sa alas 6:00 sa gabii sa municipal discipline zone, Barangay Poblacion, Dalaguete, tungod sa managlaing kalapasan sama sa disregarding traffic sign, modified muffler ug uban pa.
Ang kapulisan sa Dalaguete nga gipangulohan sa ilang hepe nga si Police Maj. Clemente Ceralde Jr., ang nagpahigayon sa ilang preventive patrol operation ug magpadayon kini nga susamang operasyon sa pagpatuman sa ordinansa sa trapiko.
