ISTANBUL – Labing menos, 13 ka mga tawo ang nangamatay ug 92 ang nangaangol kaniadtong Sabado, Mayo 24, 2025, sa mga insidente tungod sa kusog nga ulan ug kusog nga hangin sa Punjab province sa central-eastern Pakistan.
Ang pagkahugno sa mga gubaon nga balay ug sa mga naa sa dili luwas nga mga lugar sa nagkalainlaing bahin sa Punjab maoy hinungdan sa kamatayon sa mga biktima, sumala sa report sa mantalaang Dawn nga gikutlo gikan sa Provincial Disaster Management Authority (PDMA).
Usa ka trabahador ang namatay ug lima pa ang grabeng nangaangol dihang nahugno ang atop sa usa ka lokal nga pabrika tungod sa kusog nga hangin, sumala sa state-run Pakistan Television.
Usa ka tawo ang nakalas tungod sa kilat. Daghang mga balay nga hinimo sa lapok ug gubaon ang nadaot usab sa bagyo.
Kaniadtong Biyernes, ang PDMA nagpagawas og pasidaan bahin sa kusog nga hangin, dusts storm, ug ang posibilidad sa pag-ulan sa nagkalainlaing bahin sa Punjab. / PNA