Gipalig-on karon sa Department of Information and Communications Technology (DICT) ang usa ka hotline nga pwedeng kadangpan sa publiko alang sa online scams, fake news, ug cybercrime.
Ang Hotline 1326 mamahimong makontak sa mga Pinoy aron makareklamo kon nabiktima kini sa mga ilegal nga kalihukan nga gilatid sa ahensya.
“Palalakasin natin itong hotline 1326, magkakaroon ho tayo ng mas malakawang response mechanism at feedback mechanism. Iyon ang importante eh,” matod ni DICT Assistant Secretary Renato Paraiso.
Dugang ni Paraiso nga kadaghanan sa mga tawo, magduhaduha pagsumbong nga sila na-scam, tungod kay mauwaw o tungod sa kawalay pagsalig sa gobiyerno.
“May magagawa tayo. Ngayon papatunayan natin iyan, kapag nag-report kayo, kami mismo ang tatawag ulit sa inyo para sabihin ano na ang status ng kaso ninyo, ano na iyong progress ng kaso ninyo, may kailangan pa ba kami sa inyo. So hanggang -- iyon talagang balak natin attribution, apprehension, prosecution, conviction. Hanggang doon ho ang gusto natin gawin,” matod ni Paraiso.
Gipasabot niya nga ang Hotline 1326 mao ang unang depensa sa mga tawo nga nabiktima og scams, phishing attempts, o mga peke nga social media posts
Gawas sa pagdawat og tawag, giusa na sa DICT ang Hotline 1326 sa digital eGov application ug eReport system.
Kini nagpasabot nga ang mga Pilipino makasumbong pinaagi sa telepono, online forms, o messaging apps—tanan konektado sa usa ka centralized database alang sa daling aksyon sa gobyerno.
Nakig-partner sab ang DICT sa Presidential Communications Office (PCO) alang sa fact-checking aron mapugngan ang pagpakaylap sa fake news. /PNA