14 anyos misayaw, ‘nasuyaan’, gidunggab

Local News Official
Local News OfficialSunStar File Photo

Usa ka 14 anyos nga lalaki ang gihalog sa usa ka lalaki ug gidunggab samtang nagsayaw sa disko atol sa kapistahan sa Sityo Tangke, Barangay Palanas, lungsod sa Alcantara, habagatan sa lalawigan sa Sugbo, ala 1:00 sa kaadlawon sa Miyerkules, Nobiyembre 22, 2023.

Ang biktima mao si Santiago, taga Barangay Lawaan, Alcantara.

Sa nakuhang kasayuran sa Su­­perbalita Cebu gikan sa kasa­li­gang tinubdan, nasuta nga ang biktima kuyog sa iyang mga barkada ningtambong sa disko.

Apan samtang nagsayaw ang biktima, kalit siya nga giduol sa usa ka wa mailhing lalaki, gigakos ug gidunggab ang tuong kilid sa iyang lawas.

Tungod sa maong hitabo, nagkagubot ug naundang ang disko.

Samtang, ang lalaking na­nunggab daling nisibat ug wa na masikop sa mga polis sa Alcantara nga ningresponde sa alarma ubos sa kamanduan sa ilang hepe nga si Police Capt. Analiza Sarte.

Ang biktima gidali pagdala sa Badian District Hospital.

Nagpadayon pa ang imbesti­gasyon aron mailhan ug masi­kop ang nidunggab sa biktima.

Nagtuo ang kapulisan nga usa kini ka kaso sa paregla tu­ngod sa kasuya.

Matod sa kapulisan nga ilang imbestigahon og apil ang nipasiugda sa disko kon may permit ba kini gikan sa local government unit (LGU) sa Alcantara sanglit wa magpahibalo sa kapulisan sa lungsod aron mabutangan unta og polis nga magbantay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph