Usa ka dalagita gideklarar nga missing sa iyang pamilya. Katapusang nakit-an ang 14 anyos nga si Ramses Kristel Sapio niadtong Miyerkules sa buntag, Hulyo 31, 2024 nga nigikan sa ilang balay sa Lungsod sa Consolacion, Sugbo, aron moeskuwela.
Atol sa pagsuwat niining taho wa pa igkita o mopauli si Sapio hinungdan nga ang iyang banay ilabi na ang iyang amahan nga si Nelson Sapio nidangop na ngadto sa Consolacion Police Station.
Nipakatap na sab og picture ang pamilya pinaagi sa social media sa mga tawo o netizen nga posible’ng makahatag og impormasyon sa iyang nahimutangan.
Nasayran nga gikan sa ilang balay si Sapio nga naka-uniporme niadtong higayona sa iyang pagbiya sa alas 10 sa buntag paingon sa iyang tunghaan.
Apan sa dihang gisubay sa pamilya nasuta nga wa kini mosulod sa iyang klase hinungdan nga nabalaka pag-ayo ang mga ginikanan ug nanawagan sa mga nakakita sa pag-text o call sa 0930-3830-088. / DVG