14 ka aser sa ilegal nga swertres nadakpan

SunStar Toledo
SunStar Toledo

Moabot sa 14 ka aser sa illegal swertres nadakpan sa kapulisan sa managlahi nga operations sa Dakbayan sa Toledo ug ubang mga lungsod sa lalawigan sa Sugbo.

Unang nadakpan ang upat ka mga aser nga napusasan sa Criminal Investigation and Detection Group 7 atol sa gilusad nga Oplan Bolilyo kun kampanya batok sa bisan unsa nga matang sa ilegal nga sugal niadtong Huwebes sa gabii, Hunyo 20, 2024.

Unang nadakpan mao si Jovencio, 73, taga Brgy. Campo 8, kinsa naatlan sa mga polis nga nang isyo og numero sa swertres. Nakuha gikan kaniya ang mga paraphernalia sa illegal swertres sama sa tally sheet nga dunay number combinations.

Lakip sa mga nadakpan silang alyas Dynah, 24, sa Purok QCRO, Barangay Das Lutopan, Dakbayan sa Toledo; alyas Annabelle, 42, sa sitio Tambis, Brgy. Poog, ug alyas Joveni, 47, taga Dakbayan sa Toledo.

Samtang laing napulo ang nangadak­pan sa gilusad nga anti-illegal gambling operation sa kapulisan sa managlahi nga lugar sa probinsya sa Sugbo.

Duha ka mga usher ang nadakpan sa dakbayan sa Carcar nga giila sa alyas nga Vanessa, taga Sitio Dapdap ug alyas Jose, 59, taga Sitio Ylaya, Barangay Bolinawan.

Nadakpan usab si alyas Eme, 40,sa Brgy. Población, lungsod sa Barili.

Sa Carmen ug Compostela nasikop sa gilusad nga Simultaneous Anti-Criminality Law Enforcement Operations (SACLEO) silang Casas, 37, sa Purok 1, Barangay Triumfo; Alen, 26, taga Brgy. Dawis Sur; Rolan, 48, taga Estaca lungsod sa Compostela; ug Rubilyn, 39, taga Purok 3, Brgy. Buluang, Compostela.

Dugang nangadakpan mao sila si Ryan, 33, taga Purok Gumamela, Brgy. Ipil, Carmen ug Gabriel, 34, raga Dawis Sur sa maong lungsod.

Sa lungsod sa Asturias, nadakpan usab si Melisa, 33, taga Brgy. Banban.

Sila napasakaan na og kaso sa kalapasan sa Republic Act 9287 kun anti-gambling law. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph