Ang Akademiyang Bisaya Inc. (AKABI) nidawat ug nipapanumpa sa 15 ka mga bag-ong miyembro niadtong Sabado, Agusti 3, 2024.
Kini human sa ilang pag-apil sa pahitukma o pasinati (orientation) nga gipahigayon sa naasoy nga adlaw sa lawak tigumanan sa SunStar Cebu, Dalan P. Del Rosario, Dakbayan sa Sugbo.
Si Mlbn. Cesar Pasague Kilaton Jr. maoy nihimo sa pagpanumpa sa mga bag-ong nagpasakop sa kahugpongan.
Naglangkob sa ikaduhang hugna sa mga bag-ong miyembro sa AKABI mao ang mosunod: Eugenio Sy Bejer Jr., Maria Lou Yongco Bejer, Jennifer Arguelles Gorumba, . Robert Redongo Roxas, Karla Angeline de Pio Suarez, Angeles de Pio Suarez, Paulino Conol Llido, Melissa Neri Sanchez-Tabora, Jesa Benitez Niez, Lourdes Estopa Baya, Kathleen Barriga Solon-Villaneza, Ligaya Cabatingan Rabago, Ludovico Mahinay Diong Sr., Novy Anne Lumanip Mahinay, ug Desiree Lumapguid Balota
Ang AKABI usa ka grupo nga nagpakabana nga nagbase sa dakbayan sa Sugbo alang sa pagtuon, pagtugkad sa pinulongan ug pagpalambo sa Sugbuanong Binisaya. / PR