
Gibanabanang 15 mil ka mga miyembro sa LGBTQ community ang nisalmot sa Pride March sa Dakbayan sa Mandaue.
Gisaulog sa Mandaue City ang Pride Month pinaagi sa usa ka mabulukon nga martsa niadtong Hunyo 14, 2025, nga nagpakita sa nagkadako nga pagdawat ug pagsaulog sa LGBTQ+ nga komunidad.
Ang mga partisipante gikan sa lain-laing lugar nagkahiusa sa pagpalambo sa pagdawat sa kaugalingon.
Ang maong pasundayag nagpasiugda sa ka-importante sa pagkamatinud-anon sa kaugalingon ug naghatag og plataporma alang sa mga indibidwal nga makapahayag sa ilang kaugalingon nga gawasnon ug masaligon.
Usa sa naghatag og kinabuhi sa maong kalihukan ang 13 ka mga float nga gipasiugdahan sa mga partisipante.
Ang kasaulogan dili limitado sa Mandaue City, tungod kay adunay mga kompanya sa BPO nga nakabase sa Dakbayan sa Sugbo nga nisalmot usab.
Kini nagpakita nga ang espiritu sa paglakip ug pagdawat mikaylap lapas sa mga utlanan sa siyudad sa Mandaue.
Ang selebrasyon sa Pride Month sa Mandaue City usa ka kalampusan, panaghiusa sa mga tawo gikan sa lain-laing kahimtang sa kinabuhi ug pagpasiugda sa mensahe sa gugma.
Ang maong kalihokan nakadasig sa mga miyembro sa LGBTQ community nga ipasigarbo ang ilang kaugalingon kung si kinsa sila. / Trixcy Shien Cobarde, Yvon Maratas, Benedicto College Interns