MOABOT sa 15 ka professional triathletes gikan sa nagkalainlaing mga nasod sa kalibutan ang mokombati sa Ironman 70.3 nga ipahigayon karong Dominggo, Agusto 10, 2025, sa Lapu-Lapu City.
Gikompirmar kini ni Princess Galura, presidente ug general manager sa Sunrise Events, sa interbyu sa SunStar Cebu.
Lakip sa ginganlang triathletes ni Galura nga angayang atangan mao sila si Mike Philips, Samantha Kingsford, ug Amelia Rose Watkinson, kinsa mao karon ang nagrepresentar sa bag-ong henerasyon ning maong natad sa paugnat sa kusog.
“It’s very good to continuously do what we do best here in Cebu so they will keep coming,” said Galura.
Sa laing bahin, gipahibalo ni Galura nga niabot sa kapin sa 600 ka batan-ong triathletes ang nangapil sa Iron Kids edition, sobra pa sa doble niadtong 2024, nga adunay 247 ka mga partisipante. / DPC