Kapin sa 150 football clubs ug teams ang magpinatiray sa 1st Sugbu Football Fest nga ipahigayon karong Agusto 2-3, 2025, sa Cebu City Sports Center (CCSC) sa Dakbayan sa Sugbo.
Ang mga nag-organisar nga gikan sa Sugbu Calidad Football Club, naglaum og 100 ka mga partisipante apan sa wala nila damha, ninglapas sa ilang gituohan ang nangapil.
“Participants of the football festival can expect a vibrant, fun, and community-focused experience centered around the sport of football. We have an event host to keep the energy high during the event,” matod ni Sugbu Calidad FC president John Michael Chik sa usa ka press release.
Ang torneyo adunay 10 ka mga kategoriya. Kini mao ang mix 6, mix 8, mix 10, mix 12, boys 14, girls 14, boys 16, inter-company, men’s open, ug ladies open.
Ang mga modaog sa matag kategoriya makadwat og mga tropeyo ug medals. Aduna sab ipanghatag nga individual awards alang sa Most
Valuable Player, Best Goalkeeper, Best Midfielder, ug Best Defender.
Ang mga partisipante nakagikan sa mga Probinsiya sa Sugbo, Negros, ug Bohol.
“On behalf of the organizing committee, we extend our heartfelt thanks to each and every one of you for being part of this year’s Sugbu Football Fest. Your energy, enthusiasm, and commitment will make this event a true celebration of sport, teamwork, and community spirit,” dugang ni Chik.
Ang Sugbu Calidad FC, nga natukod sa Sugbo, daling nakakulit og pangalan sa grassroots football pinaagi sa pagsalmot og nagkadaiyang local ug national competitions. /ESL