1,559 ka pamilya apektado

1,559 ka pamilya apektado
Vice Governor Jayvee Tyron Uy

Opisyal sa Municipal Social Welfare and Development-Maco (MSWD-Maco) mitaho nga niadtong Pebrero 10, 2024, gibana-banang dul-an 1,600 ka pamilya ang naapektuhan sa nahitabong pagdahili sa yuta.

Si Elizabeth Uy, MSWDO-Maco officer, niingon atol sa Budyong Online, niadtong Sabado sa buntag, Pebrero 10, 2024, nga adunay 1,559 ka mga pamilya ang apektado sa pagdahili sa yuta.

Matod niya nga gikan sa mga apektadong pamilya, 259 ang kasamtangang nagpuyo sa Andale National High School, 58 sa Bawani, 141 sa Nuevo Iloco Elementary School, 158 sa Nuevo Iloco National High School, 80 sa Nueva Visayas Barangay Hall, 38 sa Nueva Visayas Elementary School , 228 sa Lorenzo High School, 20 sa Central Elementary School Poblacion Mawab, 531 sa Elizalde Parish, 13 sa Bucadan Tribal Hall, ug 33 sa Assembly of God.

Nunot sa dakong pagdahili sa yuta sa Zone One sa Barangay Masara, napugos sa pagbakwit ang mga residente gikan sa kasikbit nga mga barangay tungod sa grabeng kahimtang sa panahon.

Walo ka mga evacuation centers ang natukod aron ma-accommodate ang mga bakwit, lakip ang Masara Response Restore Cluster Center sa Nuevo Iloco National High School.

Gitukod ang cluster aron masiguro ang hustong pagkontrol ug sistematikong pag-apod-apod sa tanang mga relief goods alang sa apektadong populasyon. / SunStar Davao

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph