Namatay on the spot ang usa ka 17-anyos nga ulitawo human nabangga ang gimaneho nga motorsiklo ngadto sa gate sa usa ka balay nga nahimutang sa Barangay Biasong, Siyudad sa Talisay mga alas 2:40 sa kaadlawon niadtong Agusto 13, 2025.
Ang biktima nga padulong unta mouli sa ilang balay sa may Zone 5, Purok Tugas, Barangay Dumlog sa nahisgutang siyudad nailhan nga si Marcus Hermosa, usa ka estudyante.
Sa imbestigasyon kapuliĀsan sa Talisay, giingong kusog ang pagpadagan ni Hermosa ug nawagtangan og control ang motor hinungdan nga nilahos sa usa ka puthaw nga gate.
Tungod sa grabing bali ug kadaot nga naangkon ni Hermosa, niresulta kini sa iyang hinanaling kamatayon.
Giingong hubog ang maong drayber ug wala sab siya magsul-ob og helmet. / JDG