17 anyos nakuhaan og .357 magnum revolver; laing 2 gidakop

‘Boyax’
‘Boyax’

Usa ka 17 anyos nga lalaki nadak­pan sa paghupot og .357 caliber Magnum revolver.

Lakip sa gidakop an laing duha ka mga tawo nga ningbabag sa kapulisan sa pagsikop sa suspek sa  Sityo Ka­mang-­Ka­mang, Bara­ngay Ocaña, siyudad sa Carcar, alas 2:10 sa kaadlawon, Enero 19, 2024.

Ang suspek nga si Boyax (tinuod ngan gipu­gngan isip menor de edad), molupyo sa nahisgutang dapit, gitanggong sa kapulisan.

Ang laing duha nga na­si­kop mao sila si Rene Dayagro, 38, minyo ug Jordan Laputan, 30, ulitawo, managsilingan.

Sa pakisusi sa Superbalita Cebu sa kapulisan sa Carcar, nasayran nga alas 2:10 sa kaadlawon sa naasoy nga adlaw, sila nakadawat og impormasyon nga may armado’ng tawo sa dapit.

Ang kapulisan sa Carcar ubos sa kamandoan sa ilang hepe nga si Police Lt. Col. Bryan O Neio Salvacion, nihimo dayon og operasyon ug ilang nasikop ang 17 anyos nga nagdala  sa revolver nga way lisensya o permiso sa pagdala niini.

Lakip sa gidakop sila si Da­yagro ug Laputan hu­man ningbabag sa kapu­lisan sa pag­sikop sa batan-ong menor.

Ang tulo gitanggong sa kapulisan sa Carcar ug gikatakda nga pasakaan og tukmang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph