Usa ka 17 anyos nga menor de edad nga lalaki nga wanted sa kasong possession of illegal drugs “na-rescue” sa kapulisan sa Siyudadsa Toledo pinangulohan sa ilang hepe nga si P/Lt. Col. Manolo F. Salvatiera.
Ang akusado giila sa alyas nga Albert, 17, estudyante, taga Brgy. Tubod, Siyudad sa Toledo.
Alas 3 sa hapon sa Biyernes, Hulyo 12, 2024 ang tracker team sa Toledo Police Station nga nagdala sa warrant of arrest nga giiisyu ni Branch 8 Judge Judilyn Hugo Tapia-Menchavez sa 7th Judicial Region, nakakita kang Albert nga didto sa Brgy. Poblacion.
Ang hukmanan nitakda og P200,000 alang sa iyang temporaryong kagawasan samtang siya gitugyan una ngadto sa City Social Welfare and Development Office (CSWDO) kay menor de edad. / GPL