Taliwala sa pag-obserbar sa Fire Prevention Month, lain na usab nga sunog ang niulbo sa Suba Masulog, Barangay Basak, Lapu-Lapu City sa Martes sa udto, Marso 11, 2025.
Ang sunog nga giingong nagsugod sa balay nga gipuy-an ni Felix Pinote Jr., napasaka sa unang alarma sa alas 12:43, ikaduhang alarma sa alas 12:48, nakontrolar sa ala 1:20 sa hapon ug hingpit nga napawong human sa 37 minutos.
Moabot sa 17 ka balay ang nasunog, 14 niini ang hingpit nga naugdaw ug tulo ang partially damaged.
Ang maong sunog nagbilin og danyos nga mokabat sa P1.5 milyunes. / DVG