17 ka gold medals ilugan karon

17 ka gold medals ilugan karon
ANDAM NA: Makita ang pipila ka mga trabahante nga nagpahigayon sa finishing touches sa oval track sa Cebu City Sports Center sa pagsugod sa kompetisyon karong adlawa, Hulyo 11, 2024 sa Palarong Pambansa 2024.AMPER CAMPAÑA

Di mominos 17 ka bulawang mga medalya ang ilugan karong adlawa, Hulyo 11, 2024, sa dihang ang track and field competition sa 2024 Palarong Pambansa mosikad sa Cebu City Sports Center.

Gipaabot nga depensahan sa mga atleta sa Western Visayas (R6) ang ilang dominasyon sa long jump, discus throw, 110m hurdles, ug 400m dash nga maoy ilang katapusang hugna karong adlawa.

Nakuha sa Rehiyon 6 ang bulawang medalya sa elementary ug secondary boys’ long jump sa miaging tuig sa Marikina.

Ang WV tracksters nitapos sa 1-2 sa elementary boys’ contest kay ila sab nga nakuha ang silver.

Ang ilang distaff team, sa laing bahin, nilangkat sa silver ug bronze medals sa elementary division.

Sa secondary boys’ discus throw, nakuha sa WVRAA ang bulawan ug bronze medals.

Nitapos sab nga nagpatigbabaw ang Western Visayas sa elementary ug secondary boys’ 400m dash ug HS boys’ 110-meter hurdles, samtang ang girls’ squad niini maoy naghari sa elementary ug secondary 110-meter hurdles.

Andam usab ang Central Visayas ug Cagayan Valley sa pag-apil sa aksyon sa pagdepensa sa ilang tagsa-tagsa ka balwarta.

Ang Rehiyon 7 nitapos sa labing maayong performance sa girls’ 400-meter dash sa miaging tuig, pinaagi kang Ma. Emely Balunan.

Sa laing bahin, ang mga atleta nga adunay mga kakulian sa panglawas magtigi usab alang sa 18 ka bulawang medalya nga gilagdaan sa kompetisyon sa Para Games.

Ang medal athletics events nga gitakda sa Special Games mao ang long jump sa mga lalaki ug babaye, shotput (boys, girls, youth, juniors, amputee), ug 400-meter dash sa mga batan-on ug junior. / LBG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph