18 anyos gidunggab atol sa disko, patay

Lapu-Lapu City, Cebu map.
Lapu-Lapu City, Cebu map. (Google Maps)

Patay ang usa ka 18 anyos nga ulitawo human gidunggab og ice pick sa usa ka 16 anyos nga lalaki sud sa diskohan atol sa piyesta sa Sityo Mainit, Brgy. Santa Rosa sa Isla sa Olango, siyudad sa Lapu-Lapu, ala 1:11 sa kaadlawon, Dominggo, Pebrero 11, 2024.

Ang biktima mao si John Paul Roland Maranga Dungog, 18, grade 11 student, ug molupyo sa naasoy nga dapit.

Ang ang 16 anyos nga suspek ug taga Sityo Causwagan, Brgy. Baring sa samang isla.

Sa kasayuran nga nahipost sa Superbalita Cebu, nasuta sa imbestigasyon ni Police Staff Sgt. Cristomo A. Inoc,. officer in charge sa Lapu-Lapu Police Station 1 sa Olango, nga ang biktima nagsayaw atol sa hitabo.

Sigun pa sa mga saksi nga adunay nasikhan (naigo sa siko) samtang nagsayaw sayaw ang biktima nga posibleng gikapungot sa suspek nga miresulta sa pagpanunggab.

Ang biktima naigo sa ubos nga bahin sa walang dughan ug gidali sa pagtabang sa mga tawo sa dapit ug gidala sa Santa Rosa Community Hospital.

Apan alas 2:24 sa kaadlawon, ang biktima gideklarar ni Dr. Coleen Intong nga nakabsan na sa kinabuhi.

Samtang ang suspek nga 16 anyos nga suspek na-rescue sa kapulisan sa alas 4:00 sa kaadlawon sa samang adlaw.

Ang kapulisan mohimo pa og dugang imbestigasyon bahin sa motibo sa pagpanunggab.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph