18 anyos nga babaye nabanggaan sa school bus, naospital

Cebu-City-map
Cebu-City-map

Usa ka 18 anyos nga babaye nagbanggan sa usa ka school bus sa dan F. Vestil, Barangay Mambaling, dakbayan sa Sugbo, pasado alas 5 sa buntag, Biyernes, Hunyo 7, 2024.

Giila ang biktima nga si Jasmine Gallendo, residente sa Sitio Lawis sa naasoy nga barangay.

Sa imbestigasyon sa Traffic Enforcement Unit (TEU) sa Cebu City Police Office (CCPO), nasuta nga ang school bus padung mogawas gikan sa Mambaling campus sa usa ka unibersidad sa dakbayan ug nadasmagan niini ang biktima nga naa sa kilid sa karsada.

Tungod sa kakusog sa pagkabangga, nalagpot ang biktima ug napantok ang ulo sa sementado nga kalsada nga maoy hinungdan nga nagka- dugo kini.

Giingong padung unta nga motubag sa sugo sa lawas ang biktima sa kilid sa taytayan sa maong lugar kauban ang iyang higala.

Kasamtangan nga gikustodiya sa TEU sa CCPO ang drayber nga si Bryan Labora samtang nag-atubang kini nga pasakaan og kasong reckless imprudence resulting in physical injury. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph