Nagtingkagol karon sa bilanggoan ang usa ka 18 anyos nga lalaki nga wanted sa kasong murder human madakpi sa kapulisan sa Sityo Kolo, Barangay Ilaya, lungsod sa Dumanjug alas 10 sa buntag sa Miyerkules, Pebrero 7, 2024.
Ang nasikop mao si Chris Mark Bebis Tesoro, tinun-an sa grade 11, lumolupyo sa nahisgutang dapit.
Nakasikop sa suspek mao ang Tracker Team sa Dumanjug Municipal Police Station nga gipangulohan sa ilang hepe nga si Police Capt. Jan Jan Elcid Layug ug ang 703rd Regional Mobil Force Battalion (RMFB 7).
Ilang gisilbi ang warrant of arrest nga giisyo ni Judge Noel Reyes Nerizon, acting presiding judge sa Regional Trial Court (RTC) Branch 60 sa Barili ug way pyansa nga gitugot alang sa temporaryong kagawasan sa akusado.