1,800 nasikop sa kapulisan

SunStar Local News
SunStar Local News

Moabot ngadto 1,812 ka mga tawo nga nakalapas sa lainlaing salaod ang nangadakpan sa kapulisan sa Central Visayas sulod sa duha ka adlaw nga Simultaneous Anti-Criminality and Law Enforcement Operation (SACLEO) gikan sa alas 6 sa buntag sa Mayo 29, 2024 ngadto sa alas 5:59 sa buntag sa Mayo 30, 2024.

Ang labing daghan niini nakalapas sa mga local nga ordinansa sa nagkadaiyang local government units sa tibuok rehiyon 7 diin mokabat sa P710,300 ang namulta.

Sa data nga gipahibawo sa Police Regional Office 7, nakalusad ang kapulisan og 22 ka anti-illegal drug operations nga niresulta sa pagkasakmit sa 6,234.76 gramos sa shabu nga dunay estimated standard drug price nga P42,396,368 ug pagkasikop sa 25 ka drug personalities.

Sa ilang kampanya sa illegal gambling, nakalusad ang PRO 7 og 35 ka operations nga nisikop sa 43 ka mga sugarol, labing daghan niini illegal numbers game ug pagkasakmit sa P4,195 isip sugal. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph