Gilahugay ang 19 ka mga hepe sa nagkadaiyang Municipal Police Station sa Cebu Police Provincial Office (CPPO) niadtong Miyerkules, Hulyo 30, 2025.
Gihimo ang turnover ug assumption of office sa kampo sa kapulisan sa Probinsiya sa Sugbo, gipasiugdahan ni Police Colonel Christopher Bermudez.
Ang mga opisyal nga adunay bag-ong assignment naglangkob nila ni; Lieutenant Colonel Juanito Alaras mao na karon ang hepe sa Lungsod sa Liloan, Major Joffre Grande sa Tuburan, Lieutenant Colonel Ruel Burlat gibutang sa Balamban, Major Khalev Sanchez sa Lungsod sa Cordova, Captain Phil Restauro sa Asturias, Captain Jan Ace Layug sa San Remigio, Major Kelvin Roy Mamaradlo sa Dalaguete, Major Mariejin Calunod sa Pinamungajan samtang si Lieutenant Paul Birung sa Santander.
Police Major Mark Anthony Villanueva sa Lungsod sa Dumanjug, Major Genesis Aniversario, Lungsod sa Moalboal, Lieutenant Kerby Neil Jann Bagnol sa Alcoy, Lieutenant Valimyr Anton Tabian sa Borbon, Captain Dun Blane Tabares sa Tabogon, Captain Dennis Onasin sa Boljoon, Captain Yves Montejo sa Sogod, Lieutenant Francis Russue Salvid sa Poro, Captain Jec Seares sa Madridejos ug Captain Abraham Igot sa Ronda.
“I have confidence in your capability that you can all maintain and sustain accomplishment, yun lang ang hinihiling ko more accomplishment, pababain natin ang krimen make this community or Cebu Province safe,” matod ni Bermudez.
Ang CPPO adunay 50 ka mga police station sa Sugbo nga gilangkuban sa 44 ka municipal police stations ug unom ka city police stations. / AYB