DAMASCUS – Usa ka suicide bomber ang nagpabuto og mga eksplosibo sulod sa Mar Elias Church sa Damascus sa Dominggo, Hunyo 22, 2024, atol sa misa nga nipatay og labing minos 19 ka tawo ug nakasamad og daghan pa, matod sa war monitor nga Syrian Observatory for Human Rights.
Ang pag-ulbo niigo sa Mar Elias Church sa Dweilaa district sa kaulohan, sumala sa mga taho sa lokal nga media.
Matod sa awtoridad sa internal security sa Syria nga ang niatake sakop sa Islamic State (IS) militanteng grupo, nailhan sab nga Daesh.
Ang Syrian Civil Defense niingon nga ang pagbuto niresulta sa daghang casualty sa mga sibilyan, apan wala mohatag og tukma nga gidaghanon.
Giawhag sa mga awtoridad ang mga residente nga mopalayo sa lugar aron makalihok ang mga rescuer.
Walay grupo nga niangkon dayon sa responsibilidad. / Xinhua