1K security personnel mobantay sa CCSC

MOBANTAY: Niadtong Miyerkules sa buntag, Enero 10, 2023, labing minos 3,000 ka security personnel sa Sinulog 2024 ang ningtambong sa send off ceremony sa South Road Properties (SRP). Tipik kanila mobantay sa Sinulog sa Siyudad ug Sinulog sa Lalawigan.
MOBANTAY: Niadtong Miyerkules sa buntag, Enero 10, 2023, labing minos 3,000 ka security personnel sa Sinulog 2024 ang ningtambong sa send off ceremony sa South Road Properties (SRP). Tipik kanila mobantay sa Sinulog sa Siyudad ug Sinulog sa Lalawigan. ARNOLD Y. BUSTAMANTE

Moabot sa 1,041 ka mga otoridad ipakatap atol sa Sinulog sa Lalawigan sa Cebu City Sports Center (CCSC) sa Dominggo, Enero 14, 2024.

Kini ang gipahibalo sa Kagamhanan sa Lalawigan sa Sugbo subay sa gipahibalo ni Cebu Police Provincial Office (CPPO) chief Police Col. Percival Zorilla nga adunay kapin usa ka libo ka personnel nga langkuban sa kapulisan, Armed Forces of the Philippines (AFP), Philippine Coast Guard (PCG) ug Philippine Drug Enforcement Agency (PDEA) ang ipakatap sa tibuok rota alang paghatag og seguridad sa mga turista, bisita ug contingents.

Atol sa tigom nga gipatawag ni Cebu Governor Gwendolyn Garcia sa Enero 10, gipahibalo ni Lt. Col. Danilo Yema Jr., pangulo sa CCPO- Chief Operations Management Unit (COMU) nga sugod alas 6:00 sa buntag sa Enero 14, ipatuman sa kapulisan ang estriktong seguridad sa venue diin sa inisyal, anaa sa 20 ka personnel ang mosusi sa lugar.

Samtang sa ala una, sa dili pa magsugod ang street dancing, dugang security personnel ang i-deploy sa 1.85-km nga rota hangtod na sa sulod sa CCSC.

Ang kapin 1,000 ka mga security personnel bahinon sa upat ka mga grupo, diin ang unang 196 ka mga personnel maoy mohatag og seguridad sa 600-meter stretch gikan Cebu Provincial Capitol hangtod sa Fuente Osmeña Circle.

Adunay 200 usab ka mga personnel ang ipakatap sa Fuente Osmeña Circle paingon sa eskina sa dalan V. Urgello.

Ang ikatulong grupo nga adunay 196 ka personnel mao usab ang mohatag og seguridad sa eskina sa V. Urgello paingon sa dalan RR Landon.

Samtang, anaa sa 240 usab ang i-deploy sa sulod sa CCSC nga naglakip sa mga sakop sa Bureau of Fire Protection (BFP), traffic management team, contingent escorts, ug uban pa.

Subay niini, mag set-up usab og multi-agency command cen­ter ang Kapitolyo alang sa kinatibuk-ang overview sa kasaulogan sa Sinulog sa Lalawigan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph