Opisyal nga sugdan karong Dominggo, Hunyo 23, 2024, ang labing unang congressional cup sa bugtong distrito sa Dakbayan sa Mandaue sa Brgy. Opao Gym.
Ang kompetisyon, nga giulohan og Ouano-Dizon Congressional Cup (ODCC), gilangkuban og volleyball ug basketball events.
Ang volleyball adunay men ug women categories samtang ang basketball gilangkuban og junior, seniors ug 40-above divisions.
Mopasiugda sa opening ceremony mao si Barangay Captain Nixon “Jojo” Dizon, bana ni Mandaue City Lone District congresswoman Emmarie “Lolypop” Ouano-Dizon.
Motambong sa opening sila si ODCC chairman Provincial Board Member Thadeo “Jonkie” Ouano, volleyball star Cherry Ann “Sisi” Rondina, city councilors Nerissa “Inday Nerry” Soon-Ruiz, Atty. Joel Seno, Cesar “Ting Sol” Cabahug, ug Andreo “Anjong” Ouano-Icalina lakip na ang barangay ug SK Officials sa matag partisipanteng barangays.
Dul-an sa 1,800 ka mga magduduwa nga gibahinbahin sa 115 ka teams gikan sa 25 sa 27 ka barangays ang magkombati sa torneyo. / PR