Duha ka mga suspetsadong durugista nasikop sa buy-bust sa mga sakop sa City Drugs Enforcement Unit Intelligence Police sa Siyudad sa Talisay alas 10:50 sa gabii sa Biyernes, Enero 19, 2024 sa Sityo Lower Kabanayan, Brgy. Bulacao sa maong siyudad.
Mga suspek giilang sila si Raphael Gregor Montilla, alyas Rap-Rap 39, giingong high value individual, target sa operasyon ug giingong iyang kunsabo nga si George Vincent Castro, alyas Vince, 50, minyo, drayber.
Nasayran sa Superbalita Cebu gikan sa kapulisan sa siyudad sa Talisay nga sila nakadawat og impormasyon sa ilegal nga kalihukan ni Montilla.
Dihang nakompirmar, gilusad gilayon ang buy-bust ubos sa mando ni Police Lt. Col. Wayne Magbanua.
Ang duha ka mga suspek nakuhaan og 50 gramos sa gituohang shabu nga dunay street drug price nga P350,000.
Kasong kalapasan sa Republic Act 9165 kun Comprehensive Dangerous Drugs Act of 2002 ang ipasaka batok sa mga suspek.