DUHA ka mga Street Level Individual nga durugista ang dungan nga nasikop sa kapulisan sa Dakbayan sa Toledo alas 2:34 sa kaadlawn, Hunyo 18, 2025.
Ang mga dinakpan mao sila alyas Jun, 32-anyos ug si alyas Mario, 37, puros mga walay trabaho ug mga lumulupyo sa Sitio Cantigay, Barangay Bulongan, Siyudad sa Toledo, Sugbo.
Base sa imbestigasyon sa kapulisan sa Toledo, nangadakpan ang mga suspek atol sa gipahigayon nga buy-bust inabagan sab sa PDEA.
Nasikop ang duha human sa gihimo nga ilegal nga transaction ug nakuhaan sila og pipila ka mga pakete sa gituohang shabu nga nagkantidad og P43,112 ingon man buy-bust money.
Gisumiter na kini sa Cebu Provincial Forensic Unit sa Poblacion, Talisay, Cebu, alang sa dugang eksaminasyon.
Gitanggong na sa Toledo Police Station ang mga suspek ug mag-atubang sila og kasong paglapas sa Section 5 ug 11,Article II sa R. A 9165. / JDG