2 gidunggab sa ilang silingan

2 gidunggab sa ilang silingan
SunStar AsturiasIllustration by Yans Baroy

Uyoan ug pag-umangkon nga negosyante nadunggaban sa Sitio Maca, Barangay Poblacion, Lungsod sa Asturias,alas 5 sa kaadlawon sa Huwebes, Hulyo 11, 2024

Si Henry L. Joseph, 42, dunay kapuyo, negosyante, nagpuyo sa maong dapit, nasamdan sa kamot.

Nasamdan sab ang iyang uyoan nga si Darwin Joseph, minyo, negusyante, sa tuong bukton.

Samtang nasikop ang suspek nga si Pedro Baliguat Jr., 54, ulitawo, way trabaho, silingan sa mga biktima.

Si Major Aldren Zambrano, hepe sa Asturias Police Station, niingon nga nagdumot ang suspek kang Henry.

Ang suspek ug si Henry giingong dunay karaang panagbangi. Si Henry nipalit og pan sa usa ka bakery ug kalit nga giatake sa suspek.

Nakahimo pa siya sa pagsagang hinungdan sa pagkasamad sa iyang kamot.

Ang uyo-an nga nakakita sa panghitabo daling niuwang unta apan giatubang siya sa suspek ug mao na say gidunggab.

Giilog ni Darwin ang kultsilyo hinungdan nga nasamdan sab siya sa bukton.

Ang mga nirespondi’ng polis daling nakasikop sa suspek.

Si Darwin ni-turn-over sa kapulisan sa kitchen knife ug gunting nga nakuha gikan sa posisyon sa suspek.

Ang suspek nibutyag sa kapulisan nga dugay na siyang nagdumot kang Henry.

Kasong frustrated homicide giandam sa kapulisan batok sa suspek. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph