2 gipamusil, 1 patay

DAPIT SA KRIMEN: Kini ang dan Urgello, Barangay Sambag 1, dakbayan sa Sugbo diin gipusil-patay ang usa ka e-bike driver nga menor samtang naangol ang kauban nga menor,  alas 3:37 sa kaadlawon, Miyerkules, Mayo 1, 2024.  / ARNOLD Y, BUSTAMANTE
DAPIT SA KRIMEN: Kini ang dan Urgello, Barangay Sambag 1, dakbayan sa Sugbo diin gipusil-patay ang usa ka e-bike driver nga menor samtang naangol ang kauban nga menor, alas 3:37 sa kaadlawon, Miyerkules, Mayo 1, 2024. / ARNOLD Y, BUSTAMANTE

Patay ang usa ka e-bike driver nga menor samtang naangol ang kauban nga menor human sila gipamusil alas 3:37 sa kaadlawon, Miyerkules, Mayo 1, 2024, sa dan Urgello, Barangay Sambag 1, dakbayan sa Sugbo.

Ang biktima nga namatay giila nga si Alex (dili tinuod nga ngan), 17, taga Sawang Calero, syudad sa Sugbo, samtang naa sa Cebu City Medical Center (CCMC) ang kauban niini nga naigo sa abaga.

Ang Abellana Police Station nakadawat og tawag sa telepono labot sa pagpamusil sa maong dapit.

Ilang naabtan ang biktima nga naa sa iyang e-bike nga wala nay kinabuhi.

Sa ilang paghiling, dunay samad pinusilan sa ulo si Leopoldo gamit ang kalibre .45 nga armas base sa nakuha nga kabhang sa bala.

Sigun sa mga saksi sa hitabo nga tulo ka wala mailhing mga lalaki nga sakay sa usa ka pula nga motorsiklo ang ningpusil sa mga biktima.

Human sa pagpamusil dali ni nga ningsibat paingon sa South Western University Hospital.

Matod ni Police Major Mark Don Alfred Leanza, hepe sa Abellana Police Station, nga ang gihimo sa iyang mga imbestigador mao ang pagsusi sa ubang mga CCTV camera sa dapit aron masayran kinsa kining maong mga killer.

Duna nay nakuha nga kopya sa CCTV ang Abellana Police Station ug ila nang gi review kon duna ba silay makuha nga mahinungdanong kasayuran.

Tulo ka mga anggulo ang gitan-aw karon sa Abellana Police Station.

Kini mao ang ilegal nga drugas, gang war lakip na ang personal nga atraso.

Usa sa mga saksi ug kauban sa biktima mibutyag sa kapulisan nga sa wala pa ang pagpamusil, dunay nisita niini nga lalaki ug nibuyag kon nganong nagsige kini og tan-aw kaniya.

Pila ka gutlo ang nakalabay, dinhi na nahitabo ang pagpamusil.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph