2 gipatay atol sa pagsugat sa New Year

GIPUSIL SA NEW YEAR: Samtang  nag-celebrate sa New Year si Junde Sagarino Laugan, 35,  siya gipatay sa riding in tandem. / HINATAG NGA HULAGWAY SA CARCAR CITY POLICE STATION
GIPUSIL SA NEW YEAR: Samtang nag-celebrate sa New Year si Junde Sagarino Laugan, 35,  siya gipatay sa riding in tandem. / HINATAG NGA HULAGWAY SA CARCAR CITY POLICE STATION
DUYAN: Igo lang unta nga mipahuway si Rotchan Canape nga nagduyan gawas sa ilang balay dihang gipusil sa riding-in-tandem. / HULAGWAY HINATAG SA SIBONGA MUNICIPAL POLICE OFFICE
DUYAN: Igo lang unta nga mipahuway si Rotchan Canape nga nagduyan gawas sa ilang balay dihang gipusil sa riding-in-tandem. / HULAGWAY HINATAG SA SIBONGA MUNICIPAL POLICE OFFICE

Igo nga nitungtong ang alas 12 sa tungang gabii sa pagsugat sa Bag-ong Tuig, Enero 1, 2024, ang kapulisan sa Lungsod sa Sibonga, Sugbo nakadawat og tawag sa telepono nga nagpahibawo mga may tawo nga gipusil patay sa Purok 6, Brgy. Mangyan, bukirang bahin sa Sibonga, habagatang Sugbo.

Si Police Capt. Elmer Opsima, deputy chief sa Sibonga Police Station, maoy nangulo sa pagresponde.

Ang namatay giila nga si Rotchan Canape, hamtong, adunay kapuyo.

Asoy sa kapuyo ni Canape nga si Rose nga sa mga alas 9:00 sa gabii, Disyembre 31, 2023, iyang nakit-an ang duha ka mga suspek nga sila si Elvis Roel Reducto, alyas Maymay, ug Pedie Cubar, alyas Pedi Boy, ila ra sang mga silingan nga nagmotorsiklo ug ninghunong tungod sa ilang balay.

Matod pa ni Rose nga samtang na-busy siya sa pag-andam sa ilang hikay alang sa pagsugat sa New Year, nakadungog siya og mga buto-buto.

Nadunggan sab niya ang singgit sa biktima nga diha sa duyan sa gawas sa ilang balay nga nangayo og pakitabang.

Nakit-an ni Rose si Maymay nga nitira ngadto sa iyang kapuyo dayon nisibat sakay balik sa motorsiklo.

Samtang ang biktima gidala sa Carcar City District Hospital apan namatay.

Sa pagsuwat ning taho wa pa madakpi ang mga suspek.

Sa laing kaso sa pagpamusil, namatay sa Enero 1, 2024 ang usa ka lalaking nagsaulog sa New Year kuyog sa iyang amigo human siya gipusil sa duha ka mga tawo nga nag-angkasay sa usa ka motorsiklo samtang sila nag-inom sa usa ka tindahan.

Nailhan ang biktima nga si Junde Sagarino Laugan, 35 , ulitawo, taga Sityo Kaawa, Barangay Perrelos, Siyudad sa Carcar, habagatang Sugbo.

Sa follow-up sa Carcar City Police nasuta nga ang biktima nakig-inom pa sa iyang mga higala nianang alas 5 sa buntag sa Enero 1, 2024 sa usa ka tindahan sa Centro Perrelos.

Usa ka motorsiklo ang mihunong ug ang duha ka mga sakay niini ningpusil kang Laugan, kinsa nakaangkon og mga pinusilan sa ulo ug ubang bahin sa lawas.

Maayo na lang kay way napagan sa iyang mga kainom.

Na recover sa crime scene ang mga kabhang sa bala sa kalibre .45 nga pistola ug sa 9mm nga armas.

Padayon pa nga giila sa kapulisan ang mga killer.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph