Dili modupa ang Police Regional Office (PRO)7 sa duha ka mga polis nga pulos sakop sa Mandaue City Police Office (MCPO) nga nakahimo og krimen sa Siyudad sa Sugbo sa mga nakalabay’ng adlaw.
Kahinumdoman nga nadakpan ang polis nga nagranggo og staff sergeant human gi-buy-bust sa mga sakop sa Regional Drug Enforcement Unit (RDEU) 7 ug nakuhaan og balor P408,000 sa gituohang shabu alas 11:15 sa gabii, Sabado, Abril 6, 2025, sa dalan C. Padilla, Barangay Mambaling, Siyudad sa Sugbo.
Ang ikaduhang polis nga nagranggo og corporal nga taga Barangay
Subangdaku, Siyudad sa Sugbo human gipasanginlang nangulata ug nanion og armas ug giingong hubog niadtong higayona.
Sumala pa ni Police Colonel Arvie Aserre Paraon-Bueno, spokesperson ni Police Brigadier General Redrico Maranan, hepe sa kapulisan sa Central Visayas nga ang balaod patas sa tanan.
Matod pa sa iyang paagi sa paghupot og mga tawo nga sa higayon nga nakahimo kini og kalapasan, ipaubos sa disciplinary action pinaagi sa pagpasaka kanila og kasong kriminal ug administratiba.
Dili duphan ni Maranan ang mga magpabadlong nga personnel, kini ang pagklaro ni Bueno ilabi na niadtong nalambigit sa ilegal nga drugas.
“Yung batas po ini-implement po siya equally hindi rin to kinokonsente ng ating Regional Director kung ano man po yung mga kamailang nagagawa ng ating kapulisan,” matod ni Bueno.
Si Bueno nga usa usab ka abogado nipasabot nga sa kaso nga giatubang sa duha ka polis pulos kini mosangpot sa dismissal sa serbisyo kon mapamatud-an.
Ang duha ka polis gitanggong sa lainlaing custodial facility ug nag-atubang na og tagsatagsa ka mga kaso. / AYB