Nagtingkagol sa bilanggoan sa kapulisan sa Siyudad sa Naga ang usa ka lalaking nagmaoy sa kahubog ug nanumbag sa duha ka mga barangay tanod nga nibadlong kaniya.
Ang insidente nahitabo sa Barangay Uling, dakbayan sa Naga, alas 9:30 sa gabii, Sabado, Agusto 24, 2024.
Ang suspek giila nga si 'Sonny', 34, minyo, ug molupyo sa nahisgotang dapit.
Samtang ang mga biktima mao sila si brgy. tanod Edgardo Lopez Tapasao, 50, minyo, ug Darwin Ellelina, 48, minyo, pulos mga molupyo sa samang dapit.
Sa pakisusi sa Superbalita Cebu nasayran pinaagi sa imbestigasyon sa kapulisan sa Naga ubos sa kamandoan sa ilang hepe nga si P/Lt. Col. William Homoc, nga ang duha ka mga barangay tanod ningresponde sa kagubot sa duol sa Brgy. Uling Passenger Terminal.
Naaktuhan sa kapulisan ang suspek nga nagmaoy ug ang tanang tawo nga naa didto ang gipanghagit og sumbagay.
Ang duha nisuway kini sa pagbadlong sa maong suspek, ila kining gipakalma apan ang mga biktima gisinggitan sa maong suspek nga "mga tanod mo nga way buot!" ug nisamot kini sa pag-wild.
Ang mga biktimang tanod nanawag og dugang pwersa hinungdan nga ilang nasikop ang suspek ug gibalhog sa bilanggoan. / DVG