2 ka Chocolate Hills sa Bohol nagdilaab
Hulagway kuha ni Adon Orog

2 ka Chocolate Hills sa Bohol nagdilaab

Duha ka bukid sa Chocolate Hills sa Barangay Buenos Aires, lungsod sa Carmen, lalawigan sa Bohol ang nagdilaab tungod sa grass fire, alas 7:20 sa gabii, Martes, Abril 30, 2024.

Base sa interview sa mga tigbalita kang F02 Jose Riel Añus, ang fire investigator sa kabemberohan sa Carmen, ang duha ka mga buntong duol lang sa view deck sa dapit.

Matod ni Añus, ang grass fire sa duha ka bungtod nagsugod hills sa alas 7:20 sa gabii ug napawong sa pagka alas 10:35 sa gabii.

Dugang ni Añus nga wa sila nakasuod sa tumoy sa bungtod ug nag-monitor sila sa ubos hangtod nga napawong ug nagbantay nga dili makakatapo sa laing bungtod.

Sa Miyerkules sa buntag, Mayo 1, 2024, ang mga bombero nibalik sa dapit aron paghimo sa dugang imbestigasyon sa gilapdon sa sunog, danyos ug hinungdan sa pagduslit sa kayo.

Atol ning pagsuwat, ang mga bombero wala pa mahuman sa ilang imbestigasyon. / DVG

SunStar Publishing Inc.
www.sunstar.com.ph