2 ka dagkong tangigi, nakuha

DAKONG ISDA: Ang duha ka mga dagkong tangigi nga gipakita nila ni Miguel Villaflores ug Cherylyn Rufo nga nagbaligya niini.
DAKONG ISDA: Ang duha ka mga dagkong tangigi nga gipakita nila ni Miguel Villaflores ug Cherylyn Rufo nga nagbaligya niini. Hulagway gikan ni Te Ray

Ang kadagatan sa lungsod sa Argao abunda sa mga dagkong isda. Laing mananagat ang nakakuha sa iyang pagpamasol sa duha ka mga dagkong tangigi.

Basi sa pakighinabi sa Superbalita Cebu sa nag-post sa Facebook nga si Te Ray ‘’Theresa Ampongan”, taga Lawis Lo-oc. Barangay Pobla­cion, Argao, siya niasoy ang nakakuha sa duha ka dagkong tangigi mao ang mananagat nga si Michael Angelo Kintanar nga iyang silingan ug iyang gikompra.

Si Kintanar, matod ni Te Ray, ang nanagat niadtong hapon na sa Sabado, Nobiyembre 25, 2023, sa kalawran sa Lawis point pinaagi sa panagat sa paggamit sa pumpboat nga magguyod sa pasol nga may taga nga gipan-an og balhibo sa manok nga gitina sa kolor nga makailad sa isda nga ila ki­ning pagkaon nga niresulta sa pagkakubit sa duha ka dagkong tangigi.

Ang maong duha ka tangigi ningtimbang og 24 kilos ug dali ra kining nahalin sa tag P450 ang kilo nga nihalin ta­nan og dul an P11,000.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph