2 ka ex-con, nasikop; P2.7M drugas nasakmit

2 ka ex-con, nasikop; P2.7M drugas nasakmit
SunStar Local News GPX

Duha ka mga ex-convict sa kaso sa drugas nasikop pag­balik sa buy-bust sa Regional Police Drug Enforcement Unit (RPDEU 7) alas 9:15 sa gabii sa Huwebes, Pebrero 1, 2024, sa Sitio Black Cats, Duljo Fatima, dakbayan sa Sugbo.

Ang nangasikop mao sila si Rimark Espinosa Canoy, 31, e-bike driver, ug Oscar Togino Abanes, 22, drayber sa motorsiklo, pulos taga Sitio Mansanitas, Barangay Duljo Fatima, dakbayan sa Sugbo.

Nasakmit gikan kanila ang 400 gramos sa gituohang shabu nga dunay standard drug price (SDP) nga P2,720,000.

Sa imbestigasyon sa kapulisan, gikan sa sulod sa Cebu City Jail ang ilang contact nga usa usab ka drug personality.

Giingong maka-dispose ang mga suspek og usa ka kilo nga shabu matag semana.

Human nadawat ang impormasyon, ila dayon gipaubos sa monitoring ang mga suspek sulod sa usa ka buwan.

Si Abanes giingong mo-deliver sa supply sa ilegal nga drugas gamit ang iyang pagka drayber sa motorsiklo sa usa ka delivery app.

Si Canoy nadakpan niadtong Marso 2021 apan nakagawas pagka Hulyo 2022, samtang si Abanes nadakpan sa Abril 2021 apan pagka Hunyo sa samang tuig nakagawas usab.

Apan sa ilang paglaya, ni­padayon sa ilegal nga negosyo human nakaamigo og dakong drug personality sa sulod sa Cebu City Jail diin gisusi na usab kini sa kapulisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph