2 ka ex-convict gipriso’g balik

SunStar Local News
SunStar Local News

Duha ka mga ex-convict ang nangadakpan pagbalik sa gilusad nga buy-bust sa mga sakop sa City Intelligence Unit sa Cebu City Police Office alas 12:20 sa Martes sa kaadlawon, Mayo 28, 2024, sa Solon Private Road, Brgy. Kamputhaw, Dakbayan sa Sugbo.

Ang mga suspek nga nadakpan giila nga silang Florante Barellano Flores, alyas Aldis, 40, taga Quijano Compound, Brgy. Calamba ug kauban niini nga si Ryan Modequillo Bracero, alyas Ungo, 39, taga Plaridel St., Barangay Cambaro, Siyudad sa Mandaue.

Nakuha gikan kanila ang mga pinutos sa gituohang shabu nga motimbang og 25 gramos nga dunay standard drug price nga P170,000.

Usa sa mga operatiba sa CIU nga dili magpaila nagkanayon nga ang si Aldis nadakpan niadtong 2018 sa kaso gihapon sa ilegal nga drugas ug nakagawas sa Marso 2, 2023 samtang si Ungo nadakpan sa 2020 ug nakagawas pagka Disyembre 2022.

Human makagawas sa Cebu City Jail, sila ningbalik sa ilang naandan nga trabaho nga mao ang pagpayuhot sa ilegal nga drugas. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph