Giablihan ang ikatulo ug ikaupat nga Sugbo Bagong Urgent Care and Ambulatory Services Center (SugBUCAS) sa duha ka luna sa Dakbayan sa Sugbo sa Miyerkules, Agusto 6, 2025.
Ang SugBUCAS Capitol ug SugBUCAS Sudlon, ubos sa Department of Health Central Visayas (DOH) 7, gipangulohan sa Vicente Sotto Memorial Medical Center (VSMMC).
Tinguha niini nga mahatagan og serbisyo ang mga Sugboanon alang sa primary care consultations, ambulatory ug hinanali nga alibyo sa mga minor injuries ug sakit lakip ang mga preventive screenings ug uban pa.
Nangulo sa pag-abli niini sila si DOH Assistant Secretary Atty. Christian Saquilabon, Cebu Governor Pamela Baricuatro, Vice Governor Glenn Anthony Soco, ug Cebu City Mayor Nestor Archival.
Si Dr. Gerardo Aquino, pangulo sa VSMMC, nipahibalo nga abli na kini karon alang sa mga pasyente.
Apan alang sa dugang pagsusi ug kon masuta nga kinahanglan ipa-admit ang pasyente tungod sa seryosong kaso, dad-on dayon kini sa VSMMC.
“Initially because naa tay emergency room, outpatient initially mga 12 ra ni ka beds, remember this is just an urgent care, this is not intended for a long admission. So if there are really cases that need further management mao na'ng ipadala nato sa Sotto,” matod ni Aquino.
Ang SugBUCAS Capitol, mahimong mapahimuslan sa mga pasyente ang same-day surgical services.
Lakip na ang mga procedures nga dili na kinahanglan og hospital admission.
Samtang ang SugBUCAS Sudlon usa ka komprehensibo nga Outpatient Department ug Urgent Care Center.
Kini nga pasilidad nagtinguha nga makaserbisyo sa mga walk-in nga pasyente nga nagkinahanglan og alibyo apan non-life-threatening ang sakit lakip na ang routine consultations, diagnostics, ug follow-up check-ups.
“The goal is to offer accessible, efficient, and community-based health services that help bridge the gap between barangay-level care and hospital-based services,” sumala ni Aquino.
Ang assistant secretary sa iyang bahin, nagkanayon nga dako kini og abag sa pagpatuman sa Universal Healthcare Law diin mahatagan og alibyo ang tanang pasyente gikan sa unang level hangtod maayo kini.
“It would very much forward the Presidential directive of the universal Healthcare. The BUCAS would decongest the hospitals and also for those needing diagnostics they can go here because this is 24/7,” matod ni Saquilabon sa Agusto 6, 2025. / ANV