Wala na kaipsot ang duha ka giila nga high value individual (HVI) sa dihang nataymingan nga polis ang ilang gika-transact human nga gi-buy-bust niadtong alas 7:19 sa gabii, Martes, May 27, 2025, sa Sitio Kalindoy, Baranga Liburon, Dakbayan sa Carcar.
Ang mga dinakpan giila nga si alyas Ron, 42, ug ang iyang uban sa kakunsabo nga si Vin, 25.
Si Police Lt. Col. Ruel L. Burlat, hepe sa Carcar Police Station maoy nangulo sa operation uban sa iyang intelligence operatives sa Drug Enforcement Unit (DEU).
Ang mga dinakpan nakuhaan og 136 gramos nga shabu nga mobalor sa P924,800. / GPL